«қашқадарё вилояти» тегли мақолалар
Қарши шаҳрида Damas 25 нафар боғча боласини олиб кетаётгани аниқланди (видео)
Қашқадарёнинг Қарши шаҳрида Damas ҳайдовчиси 26 йўловчини — боғча ходими ва 25 нафар болани тегишли ҳужжатларсиз ташигани аниқланди. Боғча ходими кечга қолиб кетилгани учун болаларни бир машинага жойлаштиришга мажбур бўлинганини айтди. Автомобиль жарима майдонига қўйилди, ҳайдовчи жазоланди.
Қашқадарёда прокуратура терговчиси 5 минг доллар билан қўлга тушди
Қарши тумани прокуратураси терговчиси имтиёзли кредит мақсадли йўналтирилмагани юзасидан фуқарога қамоқ эҳтиёт чораси қўлламаслик эвазига 5 минг доллар пора олаётганда ушланди. Унга нисбатан ЖКнинг тегишли моддаси билан жиноят иши қўзғатилди.
Кўкдала тумани ҳокимининг муқаддам судланган ўринбосари коррупцияда гумонланмоқда
15 млн сўмни олаётган вақтда Кўкдала тумани ҳокимининг муқаддам талон-торож қилишда судланган ўринбосари қўлга олинди, деб хабар бермоқда ДХХ. Шунингдек, Андижон вилояти транспорт бошқармаси бошлиғи вазифасини вақтинча бажарувчи (муқаддам судланган) ҳам қўлга олинди.
Қарши шаҳрида ерости ва ерусти пиёдалар ўтиш йўлаклари қурилади
Қашқадарёнинг Қарши шаҳрида ерости ва ерусти пиёдалар йўлаклари қурилиши режалаштирилмоқда. Бу объектлар орқали бозорлар олдидаги ЙТҲлар ва тирбандликнинг олдини олиш мақсад қилиняпти. Вилоят ҳокими қурилиш ишлари 3−4 млрд сўм билан битиб кетишини таъкидлади.
Қашқадарёда тез ёрдам ҳайдовчиси калтакланди
Чироқчи туманида тез тиббий ёрдам ҳайдовчиси чақириққа борганда калтакланди. ССБ бригада масофага 14 дақиқада етиб борганини айтмоқда. Автомашинани чақириқдан ортга қайтариш учун бошқа ҳайдовчи жалб этилган. Ҳолатни ички ишлар идоралари ўрганмоқда.
Қашқадарёда ҳам газ қуйиш шохобчалари учун чекловлар жорий этилди
Қашқадарё вилоятида совуқ об-ҳаво кутилаётгани муносабати билан 8 декабрдан газ қуйиш шохобчаларининг иш вақтига чекловлар жорий этилди. Бу шохобчалари чекланган жадвал асосида ишлай бошлаганини эълон қилган тўртинчи ҳудуд бўлди.
Қашқадарёда 14 ёшли қиз 7 ой давомида жинсий қулликда сақлангани айтилмоқда
Болалар омбудсманига Китоб туманида яшовчи 14 ёшли қиз Шаҳрисабз туманида 7 ой мажбуран сақланиб, турли шахслар билан жинсий алоқа қилишга ёллангани ҳақида мурожаат қилинди. Гумонланувчига нисбатан одам савдоси бўйича жиноят иши қўзғатилди. Тергов ҳаракатлари кетмоқда.
Ўзбекистон президенти мактаб қурилиши стандартларини қайта кўриб чиқишни буюрди
Ўзбекистон президенти Қашқадарёга ташрифи давомида Қарши туманидаги 12-мактабнинг камчиликларига эътибор қаратди ва мактаб қурилиши стандартларини қайта кўриб чиқиш бўйича топшириқ берди.
Қашқадарёнинг икки туманига янги ҳокимлар тасдиқланди
Ўзбекистон президенти ташрифидан сўнг Қашқадарё вилоятининг Қарши ва Деҳқонобод туманларида ҳокимлар алмаштирилди.
Ўзбекистон фермерларига кластерларни ўзи танлаш ва ортиқча ҳосилни эркин сотишга рухсат берилиши мумкин
Ўзбекистонда фермерларга ўз фаолиятида қисман эркинлик берилиши мумкин. Президент фермерларга кластерларни ихтиёрий танлаш ва ортиқча ҳосилни сотиш ҳуқуқини бериш масаласи муҳокама қилинаётганини билдирди. Шунингдек, у яйловлар деградацияси муаммосига тўхталиб, уни ҳал қилиш йўлларини кўрсатди.
Президент амалдорлар билан судлашган Sulton Tex Group корхонасига ташриф буюрди
Шавкат Мирзиёев Қашқадарёга ташрифи чоғида уч йил аввал туман ҳокими, собиқ бош вазир ўринбосари ва собиқ қишлоқ хўжалиги вазири билан қарама-қаршиликларда банкрот ёқасига келиб қолган Sulton Tex Group корхонаси фаолияти билан танишди.
Президент Қашқадарёга жўнаб кетди
Сешанба куни Шавкат Мирзиёев ҳудудлар ривожи, аҳоли турмуши билан танишиш учун Қашқадарё вилоятига жўнаб кетди.
Қашқадарёда даласини ичимлик суви билан суғориб келган фермер 3 йилга қамалди
Қашқадарё вилоятида фермер 13 йил давомида ноқонуний равишда даласини ичимлик суви билан суғориб келгани аниқланди. Етказилган зарар миқдори 282,7 млн сўмни ташкил этди. У 3 йиллик қамоқ жазосига ҳукм қилинди. Шунингдек, давлатга етказилган зарарни ҳам қоплайди.
Қашқадарёда йўловчи автобусидаги портлаш оқибатида 4 киши жароҳатланди
Муборак туманида Isuzu автобусининг газ баллони портлаб, 4 киши ўрта оғир даражада жароҳат олди. Ҳодиса сабабли ҳеч ким ҳалок бўлмаган, дейилади Фавқулодда вазиятлар вазирлиги хабарида.
Қашқадарё вилоятида бир эркак балиқ ови вақтида чўкиб кетди
Қашқадарёнинг Миришкор туманида бир эркак балиқ овлаш вақтида чўкиб кетди. Унинг жасади Сечанкўл сунъий сув омборидан топилган. Суд-тиббий экспертизаси тайинланган.
Қашқадарёда JAC Motors компанияси автомобиль ишлаб чиқаришни йўлга қўйиши мумкин
Қашқадарё вилояти ҳокими Муротжон Азимов Хитойда JAC Motors компанияси билан автомобиль ишлаб чиқаришни йўлга қўйиш имкониятлари юзасидан музокаралар ўтказди. У Хитойнинг яна икки автомобиль ишлаб чиқарувчиси билан учрашмоқчи.
Қашқадарёда тадбиркор Қизил китобга кирган 753 туп ўсимликка зарар етказди
Деҳқонобод туманида Қизил китобга киритилган 753 туп тожик каврагининг илдизи ковланиб, кесиб ташланди. Ўсимлик дунёсига жами 372 млн 735 минг сўм зарар етган. Ҳолат бўйича ҳужжатлар прокуратурага юборилди.
Қашқадарёлик фуқаро уйида Қизил китобга киритилган эчкиэмар ва тошбақаларни сақлаётгани аниқланди
Қашқадарё вилояти Нишон туманида фуқаро уйида тўққизта бўз эчкиэмар ва бешта Ўрта Осиё чўл тошбақасини қонунга хилоф равишда сақлаётгани, улардан бири нобуд бўлгани аниқланди. Шунингдек, у икки илонни ўлдириб, ҳовлисига осиб қўйган. Табиатга етказилган зарар салкам 51,5 млн сўмни ташкил этмоқда.
«Жипириқ, шунчалик ҳам алдайсанми?» Шуҳрат Ғаниев ҳокимларни қўшиб ёзганлик учун танқид қилди
Тармоқларда президент маслаҳатчиси ўринбосари Шуҳрат Ғаниев йиғилишда ҳокимлар ва сув хўжалиги раҳбарларини қўшиб ёзиш ва суғориш ишлари сифатсиз олиб борилаётгани учун танқид қилган видео тарқалди. У прокуратурага Қашқадарё вилоятининг учта тумани ҳокимларини жиноий жавобгарликка тортишни буюрди.
Қашқадарёда 3 нафар блогер 5 суткага қамалди. Жамоатчилик бунинг қонунийлигига шубҳа қилмоқда
Қашқадарё вилоятида 3 нафар блогерга майда безорилик, ички ишлар ходимларининг қонуний талабларини бажармаслик ва бошқа моддалар бўйича 5 суткадан маъмурий қамоқ жазоси тайинланди. Жамоатчилик буни «мантиқсиз ва ноқонуний» дея атаб, Олий суддан асослантирилган изоҳ беришни сўради.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
- «Боғнинг менежери давлат бўлиши нотўғри». Тошкент ҳокими ижарага берилган Абдулла Қодирий ва Дўстлик боғлари ҳақида
Қўшимча имкониятларга эга булиш учун сайтда рўйхатдан ўтинг